مسلسلات رمضان

انا بصراحه اتفرجت على ثلاث مسلسلات لغايه دلوقتى ,

وكان حيجيلى إكتئاب وشلل بسبب مسلسلين

الاول هو الدالى بتاع نور الشريف

.. والله حرام عليهم اللى

بيعملوه فى الناس كل يوم .. صريخ وصوات وعياط

والراجل مشلول وابنه اتقتل وعمال يفتكر ايامه معاه فلاش باك .. والناس تعيط .. يا جدعان

حرام كده هى الناس ناقصه نكد .. ولا ايه رأيكم ؟

والثانى هو قضيه رأى عام .. ليسرا ..

وطبعا اغلبيه الناس شافت المسلسل وحسو بكميه الحـــــــزق اللى فى المسلسل .. والطريقه المبالغ فيها اللى بيدخلو بيها على الناس .. يا ناس حرام عليكم .. الناس صايمه وعايزين يشوفو حاجه تريح اعصابهم مش تهيج الاعصاب وتحرقها ..

يا جماعه ممكن اعرف رأيكم ؟

هل انتم كمان بتتخنقو لما بتشوفو الحاجات دى .. ولا انا بس ؟

اما المسلسل الوحيد اللى بيخفف عن الواحد .. هو مسلسل حمـــــــــاده عزو ليحى الفخرانى

فهو فعلا افضل المسلسلات من وجهة نظرى .. فهو مسلسل خفيف وشيق واحداثه جميله بصراحه وتشد الواحد وتخليك تعيش مع حماده المواقف اللى عمال يقع فيها علاقته الغريبه بأولاده و قرايبه

بس كده هو ده رأيى الخاص فى المسلسلات اللى انا شفتها

بقولكم ايه ! بلا مسلسلات بلا بتاع ... اللى عنده تليفزيون يطفيه .. ســــــــلام